Skuadra gjermane, Bayern Munichi raportohet se ka marrë vendim për t’i ofruar një kontratë të re lojtarit gjerman, Thomas Muller, përcjell Reporteri.net.

Mediumi “Bild” ka raportuar se zyrtarët e klubit gjerman kanë bërë hapin e parë të tyre për t’i ofruar lojtarit një kontratë të re.

Vlen të përmendet se 32-vjeçari vlerësohet si një prej lojtarëve kyç te kampioni gjerman, teksa deri më tani ka shënuar 226 gola në 618 paraqitje në të gjitha garat.

Kontrata e Muller, i njohur për asistet e tij në Bundesliga, i skadon në qershorin e vitit të ardhshëm.

Megjithatë, për lojtarin gjerman kanë nisur interesimet në Ligën Premier, ku Manchester United si dhe Newcastle United kanë nisur një garë ndërmjet tyre për të siguruar shërbimet e lojtarit të bavarezëve.