Skuadra gjermane, Bayern Munich ka fituar me rezultat të thellë në udhëtim te Freiburgu në ndeshjen e vlefshme për raundin e 28-të në Bundesliga, përcjell Reporteri.net.

Bayerni ka triumfuar si mysafire ndaj skuadrës së Freiburgut me rezultat përfundimtar 1-4.

Skuadra e menaxherit, Julen Nagelsmann ka vazhduar me sukses rrugën drejt titullin në Bundesliga, pasi ka marrë fitoren e radhës në ndeshjen ndaj Freiburgut.

Pjesa e parë e ndeshjes u karakterizua me lojë më të mirë dhe dominim nga Bayerni, por edhe përkundër rasteve rrjetet mbeten të paprekura.

Në pjesën e dytë, u zhvillua lojë më e mirë dhe më e hapur nga të dyja skuadrat, por Bayerni ishte më konkret duke shënuar katër herë, për dallim nga vendasit që shënuan vetëm një.

Goli i parë i ndeshjes erdhi në minutën e 58-të me anë të Leon Goreztka, i cili shënoi për 0-1, ndërsa vendasit barazuar pesë minuta më vonë me Nils Petersen.

Bavarezët arritën të kthehen në lojë duke shënuar me anë të Serge Gnabryt (73’) për 1-2, Kingsley Coman (82’), ndërsa Marcel Sabitzer (90+) vulosi rezultatin përfundimtar 1-4.

Pas kësaj fitore, Bayerni e sheh veten në pozitën e parë me 66 pikë, ndërsa Freiburgu renditet në vendin e pestë me 45 pikë.

Vlen të përmendet se Lewandowski nuk ka shënuar gol sot.