Belgjika ka për qëllim ta nxjerrë topin jashtë fushës së lojës në minutën e 10-të në takimin me Danimarkën, për të marrë pjesë në një duartrokitje një minutëshe për Christian Eriksenin.

Erikseni është duke e marrë veten në spital, pas një arresti kardiak që e pësoi në fushë gjatë humbjes së Danimarkës kundër Finlandës në ndeshjen e tyre hapëse në Euro 2020 të shtunën në Kopenhagë.

Tifozët danezë do të duartrokasin për një minutë në mbështetje të Eriksenit.

“Ne do ta nxjerrim topin jashtë fushës për të duartrokitur”, tha Romelu Lukaku, i cili është bashkëlojtar i Eriksenit në Inter.

“Disa lojtarë tanë kanë luajtur me të. Por nesër (e enjte) ne do të shkojmë atje për të fituar, gjë që do të jetë e vështirë”, shtoi ai.

Koha e nderimit të tij është zgjedhur sepse Erikseni e vesh fanellën me numrin 10 në ekipin kombëtar danez.

Ndeshja do të zhvillohet në stadiumin Parken, vendin e ngjarjes së arrestit kardiak të Eriksenit.