Kanë mbetur më pak se katër orë deri në fillimin e ndeshjes Kosovë-Çeki, derisa biletat vazhdojnë të shiten në tregun e zi

Kosova është nikoqire e Çekisë me ndeshjen që do të luhet nga ora 15:00 në stadiumin Fadil Vokrri, e cila është e vlefshme për kualifikimet e Euro 2020, raporton Reporteri.

Interesimi për ta përcjellur këtë takim ka qenë i madh dhe biletat janë shitur në kohë rekorde, por disa prej biletave më pas kanë përfunduar në tregun e zi.

Sot biletat po shiten katërfish më shtrenjtë në tregun e zi. Bileta që kushton 10 euro, po shitet 40 euro. Të interesuarit madje mund t’i gjejnë lehtë pasi njoftimet gjenden në rrjete sociale.

Ndryshe, tashmë është bërë zakon që një pjesë e biletave të ndeshjeve të Kosovës të shiten në tregun e zi. /Reporteri.net/