Mesfushori i Manchester Cityt, Kevin de Bruyne ka shënuar një supergol në ndeshjen e fituar nga ekipi i tij ndaj Borussia Monchengladbachut.

Manchester City ka fituar ndeshjen kthyese ndaj klubit gjerman me rezultat 2-0 apo në total 4-0 duke siguruar kualifikimin në çerekfinale të Ligës së Kampionëve.

Golat në këtë fitore të ekipit nga Etihad u shënuan nga Kevin de Bruyne (12’) dhe Ilkay Gundogan (18’).

Megjithatë, goli i parë i shënuar nga ylli belg po diskutohet shumë në rrjetet sociale dhe po vlerësohet lartë.

De Bruyne shënoi një supergol nga distanca me këmbën e tij të majtë, e cila nuk është primare dhe e preferuara.

Ishte një gol i përkryer dhe shumë i bukur për arritjen e ‘golit të 100-të’ të Cityt në të gjitha garat këtë sezon.