Marcelo Brozovic pritet të largohet nga Interi gjatë afatit kalimtar veror.

Pas pesë viteve qëndrim në Giuzeppe Meazza, mesfushori kroat do t’i thotë lamtumirë Neroazzurëve.

Edhe pse kontrata e tij skadon në verën e vitit 2022, ka qenë trajneri Antonio Conte që ka kërkuar nga klubi ta nxjerrin lojtarin në shitje.

27-vjeçari pritet të largohet gjatë afatit kalimtar veror, pasi ofertat për të nuk mungojnë.

Mediat italiane kanë raportuar se janë dy skuadrat finaliste të Ligës së Kampionëve, PSG dhe Bayern Munich që po duan shërbimet e tij.

Ish-anëtari i Dinamo Zagreb mund të largohet nga Interi nëse paguhet shuma prej 40 milionë eurove.

Kjo shumë për dy skuadrat e mëdha evropiane nuk përbënë fare problem, ndërsa PSG dhe Bayern tani do të nisin duelin se cila do ta bind kroatin me kontratë më të mirë.

Reprezentuesi kroat në edicionin e fundit ka zhvilluar 46 ndeshje zyrtare me Interin, ku ka shënuar tre gola dhe ka bërë tetë asistime. /Reporteri.net/