Dikur njëri prej burgjeve më të dhunshme në Britani të Madhe, burgu Altcourse, ku Dean Saunders do ta vuajë dënimin, tani ka edhe akademi të futbollit.

Ish-sulmuesi i Liverpoolit, Dean Saunders, u dënua me 10 javë burgim për shkak se kishte refuzuar t’i nënshtrohej testit të alkoolit përmes nuhatjes në rrugë.

55-vjeçari ishte ndalur nga policia nën dyshimin se po e ngiste makinën nën ndikimin e alkoolit në Chester më 10 maj.

Saunders, i cili i kishte zhvilluar 75 ndeshje për Kombëtaren e Uellsit, mezi kishte dalë nga makina e tij Audi A8 duke u mbajtur për saj, kur policia i kishte kërkuar të dilte, që ishte dukshëm i dehur.

Ai kishte refuzuar ta bënte testin e alkoolit dhe si pasojë ishte arrestuar dhe dërguar në paraburgim.

Të mërkurën, ai u dënua me 10 javë burgim, të cilat do t’i vuajë në burgun HMP Altcourse, në Liverpool, sipas mediave angleze.