Ylli kosovar i futbollit, Bersant Celina, po vazhdon me paraqitjet e tij spektakolare.

Në ndeshjen që Swansea City e ka luajtur sot në udhëtim kundër Derby County, Celina është notuar me notën më të lartë nga të gjithë lojtarët.

Kosovari nuk regjistroi gol apo asistim, pasi rezultati përfundimtar ishte 0:0, por loja e tij numëroi pak topa të humbur dhe shumë pasime të sakta që nxirrnin skuadrën përpara.

Këto paraqitje të Celinës gëzojnë secilin tifoz të Kosovës, me shtatorin që po afron për ndeshjet eliminatore, ku synohet fitorja kundër Republikës së Çekisë.