Real Madridi është eliminuar nga Champions League nga Chelsea, duke u mposhtur 2-0 në sfidën e kthimit në Londër.

Zinedine Zidane është njeriu që është duke u kritikuar më së shumti në mediat spanjolle, për skemën dhe vendosjen e futbollistëve.

Befasisht, Zidane luajti sërish me skemën 3-5-2 dhe kulmi ishte duke startuar me Vinicius Junior si mbrojtës i djathtë.

U mendua se do të ndryshojë diçka në pjesën e dytë, por Zidane i qëndroi besnik vendimit të tij, kësaj radhe duke bërë një tjetër gabim, sulmues Marco Asensio duke e inkuadrua në vend të Ferland Mendy, në pozitën e mbrojtësit të majtë.

Në fund, Reali u eliminua me rezultatin e përgjithshëm 3-1 dhe ky eliminim do të ketë shumë peshë në të ardhmen e Zizu, sipas mediave spanjolle.

Në finale të Champions League, Chelsea do të ketë punë me Manchester Cityn, pra finale tërësisht angleze.