Çfarë goli nga Besar Halimi, Kosova shënon kundër Spanjës

Kosova ka shënuar gol në ndeshjen kundër Spanjës që po zhvillohet në Sevilla në kuadër të kualifikimeve për Kupën e Botës 2022. Me golin e bukur të Besar Halimit, Kosova ka ngushtuar rezultatin në 2-1.


Në pjesën e parë, Spanja shënoi dy gola të shpejtë kundër Kosovës.

Rezultati u zhbllokua në ndeshjen Spanjë-Kosovë në minutën e 34 kur Daniel Olmo shënoi gol kundër Kosovës. E menjëherë në minutën e 36, Spanja ka arritur të shënoj për 2-0.

Ferran Torres ishte golashënuesi i golit të dytë.

Deri në minutën e 34, Kosova u mbajt mirë kundër Spanjës, e cila është një nga kombëtaret më të forta në botë.

Para ndeshjes pati shumë diskutime nëse do të intonohet himni i Kosovës në Sevilla të Spanjës, vend i cili nuk e njeh pavarësinë e vendit tonë. Megjithatë spanjollët intonuan himnin e Kosovës.