Bernard Challandes ka mbajtur një konferencë për shtyp sot, saktësisht 1 javë para ndeshjes kualifikuese për Euro 2020 që Kosova e zhvillon ndaj Çekisë.

Trajneri zviceran ka folur për shumë tema që kanë të bëjnë sidomos me formën e lojtarëve, për shkak të lëndimeve të shumta, shkruan Reporteri.net

I pyetur për formën e Valon Berishës dhe se a do të mund të luajë, Challandes nuk ka zbuluar 100 % se a do të rikthehet nga minuta e parë.

“Valon Berisha është një futbollist shumë i rëndësishëm në ekipin tonë. Ai pati një periudhë të vështirë me ekipin e tij Lazio, por ka pasur disa përgatitje të mira, ndërsa unë dua të shoh se si po stërvitet, pasi është shumë e rëndësishme kjo jave e stërvitjeve për mua, por Valon Berisha është një futbollist shumë i rëndësishëm”, ka thënë Challandes./Reporteri.net/