Challandes sot po mbanë konferencën e fundit për media, në kuadër të kualifikimeve për Kampionatin Evropian 2020.

Tekniku zviceran para ndeshjes me Anglinë, tha se ky takim është shumë i rëndësishme për Kosovën edhe pse tashmë nuk ka gjasa të kualifikohet përmes grupit, shkruan Reporteri.net.

“Për mua është një ndeshje mjaft mjaft e rëndësishme sepse me këtë mbyllet kampanja kualifikuese dhe është e rëndësishme para lojës me Maqedoninë”, u shpreh Challandes.

“Para kualifikimeve, nëse ju kujtohet thosha se ato do të na shërbejnë për të bërë përparim, si përvojë. Kjo ndeshje është mundësi e mirë për të bërë përvojë”.

“Për ne është një ndeshje e mrekullueshme”, tha ai.

Kujtojmë se ndeshja mes Kosovës dhe Anglisë zhvillohet nesër me fillim nga ora 18:00 në stadiumin “Fadil Vokrri” në Prishtinë./Reporteri.net/