Përzgjedhësi i Përfaqësueses së Kosovës, Bernard Challandes, e ka publikuar listën e futbollistëve të cilët do t’i ketë në dispozicion për dy ndeshjet e radhës.

Kosova luan në kuadër të kualifikimeve për Euro 2020, kundër Republikës së Çekisë, më 7 shtator, në stadiumin “Fadil Vokrri” në Prishtinë dhe kundër Anglisë, më 10 shtator në “St. Mary’s Stadium” në Southampton, shkruan Reporteri.net

Stërvitja e parë e Dardanëve është më 2 shtator, në orën 18:00, në stadiumin e “Fadil Vokrri”.

Challandes ka ftuar për herë të parë futbollistin e Hannoverit, Florent Muslija i cili shihet si zëvendësues i të lënduarit, Milot Rashica.

Lajm i mirë është edhe rikthimi nga lëndimi i supermesfushorit, Valon Berisha i cili ka arritur të rikuperohet me kohë për këto ndeshje./Reporteri.net/