Është përcaktuar edhe finalja e madhe e DigitAlb Kupës së Kosovës.

Prishtina dhe Ballkani do të ndeshen në finalen e zjarrtë të këtij sezoni.

Feronikeli dhe Ballkani kanë luajtur baras 1-1, dhe kësisoj goli mysafir i Ballkanit e ka çuar në finale këtë skuadër pasi që ndeshja e parë në Suharekë kishte përfunduar pa gola, shkruan Gazeta Sheshi.

Pas ndeshjes ka folur edhe heroi i Ballkanit, Mirlind Daku, i cili me golin e tij e dërgoi skuadrën suharekase në finalen e madhe.

“Rasti i vetëm ishte që kisha në ndeshje dhe falë Zotit arrita të shënoi. Jam i lumtur për këtë gjë. Kemi pas nevojë për një fitore që të rikthejmë vetëbesimin dhe presin që ndeshjet e ardhshme të jemi ekipi që kemi qenë para pandemisë. Ky gol i dedikohet babit tim që sot ka qenë prezent në stadium, por edhe gjithë tifozëve dhe presidentit Kabashi”, tha Daku për SSK.

Finalja e madhe do të zhvillohet me 29 korrik, në Stadiumin “Fadil Vokrri”, në Prishtinë.