Pas një aksidenti serioz të ndodhur mes Abensberg dhe Arnhofen ka mbetur i vdekur një 22-vjeçar nga Kosova.

Një ngjarje tragjike ka ndodhur në një aksident trafiku në mbrëmjen e djeshme, futbollisti Amir Ademi ka ndërruar jetë, raporton Zëri.info.

Ai ishte duke vozitur një Peugeot derisa ishte përplasur me një Passat, ku vozitësi i kësaj të fundit është lënduar dhe dërguar më pas në emergjencë.

Kurse, vetura e Ademit ishte kapluar nga zjarri dhe si pasojë e kësaj ai ndërroi jetë.

Policia ka nisur hetimet dhe kërkon informata se si ka ndodhur aksidenti, dëmet e të cilit vlerësohen të jenë rreth 12 mijë euro.

Ndryshe, ndeshjet e klubit ku Ademi ka luajtur FC Kosova Regensberg janë anuluar.

Pas vetes, Ademi ka lënë prindërit e tij dhe një motër dhe vëlla më të vogël./Zëri.info