Basketbollisti i njohur kosovar, Dardan Berisha, e ka konfirmuar largimin nga skuadra e Pejës.

Përmes një postimi në rrjetin social, Facebook, ai i falënderoi tifozët e skuadrës për mbështetjen e deritanishme, duke u shprehur se kaloi jashtëzakonisht mirë përgjatë këtyre viteve.

Sipas raportimeve të fundit, Berisha tashmë ka arritur marrëveshje me Sigal Prishtinën dhe sezonin e ardhshëm do të luajë aty.

Karriera e tij është shumë e begatshme, pasi para se të vinte në Kosovë luajti për shumë skuadra të mëdha evropiane.