Kosova ka shënuar fitore bindëse me rezultat 5-0 kundër Burkina Fasos, gjysmëfinaliste e Kupës së Afrikës, shkruan Gazeta Online Reporteri.net.

“Dardanët”, nën drejtimin e trajnerit Alian Giresse e filluan shumë mirë ndeshjen, duke kaluar në epërsi qysh në minutën e tretë të lojës; golin e shënoi Fidan Aliti.

Debutuesi Astrit Selmani shënoi golin e dytë në minutën e 23-të.

Tutje, me të filluar pjesa e dytë, ishte Mergim Vojvoda ai që shënoi golin e tretë për Kosovën me asistim të Rashicës.

Ishte radha e Milot Rashicës, i cili pas dy asistimeve arriti të shënonte mjeshtërisht në minutën e 68-të të ndeshjes.

Nuk vonoi shumë kur, Toni Domgjoni realizoi golin e fitores duke e vulosur kështu një natë fantastike për “Dardanët”. /Reporteri.net/