Kombëtarja e Kosovës është në prag të dy ndeshjeve shumë të rëndësishme në kuadër të kualifikueseve për Euro 2020

Kosova fillimisht do ta pres Çekinë më 7 shtator, ndërsa pas tre dite udhëton në Southampton për t’u përballur me Anglinë, shkruan Reporteri.net

Grupi i tifozëve të Kosovës, ‘Dardanët’ sonte do ta publikojnë video-klipin e këngës zyrtare për ndeshjet kualifkuese të Kosovës për Euro 2020.

“Dardanët” njoftojnë se, klipin e këngës së punuar në bashkëpunim me artistë vendorë, do ta publikojë sonte në orën 19:00, dy ditë para ndeshjes së Kosovës kundër Republikës së Çekisë,” thuhet në njoftimin e dhënë në Facebook.

Në videon e shkurtër të publikuar mund ta dëgjoni komentimin e Andin Lokajt pas golit të shënuar nga Arbër Zeneli kundër Azerbajxhanit, ndeshje të cilën Kosova e kishte fituar me rezultat 4-0. /Reporteri.net/