Tifozët e Marseille janë ndaluar të ndjekin ndeshjen e së dielës në Ligue 1 kundër Paris St-Germain për shkak të “armiqësisë” dhe “antagonizmit të fortë” midis tifozëve të klubeve, përcjell Reporteri.net.

Një ndalim 24-orësh udhëtimi është vendosur nga Ministria e Brendshme franceze për të ndaluar tifozët të shkojnë në Parc des Princes.

PSG është në krye të tabelës së Ligue 1 me Marseille të dytën, ku diferenca është 12 pikë.

Që nga shkurti i vitit 2018, tifozët e të dyja skuadrave nuk kanë qenë të pranishëm në një lojë mes dy skuadrave.

“Me atë rast janë lënduar tetë pjesëtarë të forcave të rendit”, thuhet në urdhrin e ministrisë.

Ligue 1 është rrënuar nga rastet e dhunës së tifozëve këtë sezon, me mesfushorin e Marsielle, Dimitri Payet, që është goditur dy herë nga një shishe e hedhur nga turma.

Në nëntor, ministrja e sportit Roxana Maracineanu kishte thënë se “mbijetesa” e futbollit francez ishte “në rrezik”.