E filloi Cristiano Ronaldo, e vazhdoi Higuain, e pasuan Pjanic e Khedira, tani radhe edhe për Douglas Costan.

Pak më parë transmetuam raportimet e mediave italiane lidhur me situatën që po mbretëron në kampin “bardhë e zi”, që duket të mos jetë në nivelin më të mirë të mundshëm.

Së fundi, ka qenë braziliani Costa që ka thyer rregullat e karantinës, duke u larguar drejt vendlindjes, ende pa u kompletuar faza 14 ditore.

I gjithë ky frustrim i lojtarëve të Juventusit duket të ketë ardhur pas largimit të Cristiano Ronaldos, i cili menjëherë pas ndeshjes me Interin mori rrugë drejt vendlindjes, madje duke munguar edhe një stërvitje.

Kujtojmë se futbollistët e Juves kanë kryer testet dhe po presin rezultatet për koronavirus, ndërsa Daniele Rugani veçse ka rezultuar pozitiv.