Real Madridi ka qenë i etur që të sigurojë shërbimet e danezit Christian Eriksen gjatë vitit të kaluar, njejtë sikur këtë vit.

Tani, është vet klubi anglez që ia ka ofruar shërbimet e futbollistit skuadrës madriliene, shkruan Reporteri.net

Presidenti i klubit anglez, Daniel Levy e ka telefonuar drejtorin e Real Madridit, Jose Angel Sanchez ditë më parë duke ofruar shërbimet e mesfushorit.

Eriksen ka refuzuar të rinovojë kontratën e tij që përfundon në 30 qershor të vitit të ardhshëm. Kështu, Levy ka parë që mesfushori është i gatshëm të mos rinovojë dhe do të mbetet i lirë brenda një viti.

Presidenti i Tottenhamit e di se ai ose e shet Eriksen tani ose ai nuk do ta shoh asnjë cent 12 muaj më vonë.

Vetëm para një viti, Levy i kërkoi nga Perezit plotë 150 milionë euro për transferimin e Danezit ndërsa sot është i gatshëm të pranojë deri në 70 milionë euro për të, pasi futbollistit i ka mbetur vetëm edhe një vit kontratë.

Real Madridi në anën tjetër synon transferimin e Paul Pogbas, ndërsa Eriksenin e shohin si alternativë B./Reporteri.net/