Arianit Bytyqi, 26-vjeçar dhe Gentrit Gallopeni, 20 vjeç humbën jetën tragjikisht sot në orët e para të mëngjesit.

Të dy të rinjët vdiqën sot pas rënies në një humnerë në autostradën “Ibrahim Rugova”, pasi tentuan të kalojnë nga një trase në tjetrën, ku hapsira ndërmjet traseve ishte afër 3 metra, shkruan Reporteri.net

Të ndjerët ishin kondukterë në kompaninë e autobusëve “Sharr Travel”, ndërsa kishin zbritur nga autobusët të cilët ishin ndalur jashtëligjshëm në autostradë.

Arianit Bytyqi, 26-vjeçar, ishte tifoz i ‘Arpagjikëve’ të Prizrenit.

Lajmi është konfirmuar edhe nga faqja zyrtare në facebook e tifogrupit kosovarë të cilët kanë shprehur pikëllimin e tyre për humbjen tragjike.

“Sot morëm lajmin tragjjik per humbjen e jetës të Arianitit njērit nga ne, shoku vllau jon. Ti je përgjithmonë me ne shok”, thuhet në njoftimin e ‘Arpagjikëve’.

Kujtojmë që për këtë rast, me urdhër të prokurorit 3 (tre) shoferë të autobusave të cilët janë ndalur në autostradë në kundershtim me ligjet e komunikacionit rrugor, janë dërguar në mbajtje për 48 orë./Reporteri.net/