Arbenit Xhemajli ka pësuar një lëndim të rëndë në gju dhe kështu do t’i mungojë Sunderlandit për tërë sezonin 2020/21

Xhemajli ishte i grumbulluar me Kosovën U-21 për ndeshjet e tetorit, aty ku pësoi një lëndim aq të rëndë sa për të humbur tërë edicionin, shkruan Reporteri.net

Trajneri i Sunderlandit, Phil Parkinson ka thënë se kjo është një humbje e madhe për skuadrën e tij pasi Xhemajli ishte ambientuar shumë mirë.

“Fatkeqësisht, Arby ka pësuar një lëndim serioz në gju gjatë kohës sa ishte me Kombëtaren e Kosovës. Ai do të jetë jashtë për tërë pjesën tjetër të sezonit dhe kjo është shumë keq për të pasi ai u ambientua shumë mirë në klub,” ka thënë Parkinson.

Ndryshe, Xhemajli u transferua verën që shkoi te Sunderland dhe qysh në start kishte zënë vend në formacionin e Parkinson. /Reporteri.net/

? Phil Parkinson has confirmed that defender Arbenit Xhemajli has been ruled out for the remainder of the 2020-21 campaign.

— Sunderland AFC (@SunderlandAFC) October 15, 2020