Vëllaznimi nga Gjakova po përjeton ditët nga më të vështirat në histori të klubit

Vëllaznimi në 8 ndeshjet e para në Ligën e Parë nuk ka shijuar asnjë fitore, derisa bilanci i tyre është 4 barazime e 4 humbje dhe vendi i fundit në tabelë, shkruan Reporteri.net

Punët me financa nuk qëndrojnë aspak mirë te klubi nga Gjakova, por fatmirësisht ata nuk e kanë gajle udhëtimin, të cilin po ia kryen falas një kompani e autobusëve.

Klubi s’ka fonde për udhëtimet që i bënë jashtë Gjakovës, por kompania “Shpattturs” i ka dalur në ndihmë skuadrës së parë si dhe juniorëve duke i transportuar futbollistët dhe stafin për çdo ndeshje që ata luajnë si mysafirë.

Në rast se nuk do të udhëtonin për t’i zhvilluar ndeshjet si mysafire atëherë klubi do të dënohej nga FFK-ja, por Vëllaznimi deri tani është duke shpëtuar nga dënimet falë kësaj kompanie të autobusave. /Reporteri.net/