Në futbollin italian nuk ka qetësi! Pas koreve raciste ndaj Mario Balotellit, së fundmi një tjetër akt anormal ka shpërthyer në stadiumet përtej Adriatikut.

Në takimin Parma- Roma, e cila u fituan e rezultatin 2-0 nga vendasit janë dëgjuar koret ofenduese kundër mamasë së mesfushorit të verdhekuqve, Nicolo Zaniolo.

Ishin minutat e fundit të takimit, kur mesfushori i ri i talentuar u rrëzua në zonë dhe pretendoi për një 11-metërsh, ndërsa tifozët filluan të këndojnë në kor “Mamaja e Zaniolos është një k..vë”.

Kjo nuk është hera e parë që Francesca Zaniolo bie pre e koreve ofenduese të tifozërive kundërshtare të Romës, pasi më herët të njëjtën gjë patën bërë edhe fansat e Lazios para një derbi roman.