Pas Gjermanisë e Norvegjisë, tani edhe Brazili është pro shtyrjes së Lojërave Olimpike.

Kështu ka konfirmuar komiteti olimpik brazilian në një komunikatë të plasuar sot.

“Komiteti Olimpik i Brazilit përkrah shtyrjen e Olimpiadës Tokio 2020, për vitin 2021” thuhet ndër të tjerash në komunikatën e COB.

Përderisa qeveria japoneze më herët kishte deklaruar se Tokyo 2020 do të mbahet sipas planit, me rritjen e numrit të të prekurve e viktima poashtu, rriten edhe gjasat që të anulohet edhe ngjarja më e madhe në glob e sportit.

Gjithsesi, ende nuk ka qëndrime zyrtare, megjithëse duke u bazuar në kërkesat e vendeve më të forta anëtare në komitetin olimpik ndërkombëtar, atëherë vështirë se një gjë e tillë mund të refuzohet nga autoritetet e shtetit japonez.

Kujtojmë se para pak ditësh u konfirmuar edhe shtyrja e EURO 2020, ku shtëpia më e madhe e futbollit në kontinentin e vjetër vendosi që kampionati evropian të mbahet vitin e ardhshëm.