Një tjetër lajm i keq vjen për “Dardanët” në prag të sfidës me Maqedoninë e Veriut.

Kapiteni Amir Rrahmani ka rezultuar pozitiv për coronavirus, raporton Corriere della Sera.

Megjithatë këtë lajm ende deri tani nuk e ka zyrtarizuar klubi i Napolit, ku luan mbrojtësi i përfaqësueses sonë.

Kujtojmë se ylli i përfaqësueses së Kosovës, Vedat Muriqi, do të mungojë në sfidën ndaj Maqedonisë së Veriut.

Këtë e ka konfirmuar Federata e Futbollit të Kosovës përmes një njoftimi në uebfaqen e saj.

FFK thotë se testet e sotme e treguan qartë se gjendja fizike nuk e lejon atë që në asnjë formë të jetë pranë bashkëlojtarëve të ekipit Kombëtar.