Liridon Fetahaj sot ka shënuar një gol shumë të bukur që ngjan shumë me golat që dikur i shënonte Arjen Robben

Ballkani e ka mposhtur sot Drenicën me rezultat 3-0, në një ndeshje që u dominua nga suharekasit, shkruan Reporteri.net

Në këtë takim të tri golat e shënuar nga Ballkani ishin vërtetë të bukur, por ai i Liridon Fetahajt padyshim që ishte më i miri i ndeshjes.

Fetahaj në minutën e 89-të pranoi një top në mes të fushës dhe u nis i vetëm në drejtim të portës së Drenicës.

Prizrenasi nga një distancë prej 20 metra goditi si në stilin e Robbenit, me topin që përfundoi në rrjetë dhe ngriti në këmbë tërë publikun që duartrokitën këtë gol të bukur.

Ndryshe, Ballkani është lider i Superligës së Kosovës ku pas 18 xhirove ka grumbulluar 37 pikë. /Reporteri.net/