Ish-gjyqtari i Premierligës, Mark Clattenburg, beson se gjyqtari Felix Brych dhe VAR-i e morën vendimin e duhur duke e akorduar një penallti për Napolin në ndeshjen e mbrëmshme kundër Liverpoolit.

Kampioni në fuqi i Ligës së Kampionëve, Liverpooli, u mposht me rezultat 2:0 nga nikoqiri Napoli në një ndeshje kontroverse të Grupit E, të martën.

Dries Mertens e shënoi një penallti në minutën e 82-të të ndeshjes, pasi Jose Callejon u duk se u rrëzua pas kontaktit minimal nga Andy Robertson në “Stadio San Paolo”. Vendimi i gjyqtarit u përkrah nga VAR dhe pastaj Fernando Llorente e vendosi fitoren në momentet e fundit të ndeshjes.

All of this over Napoli’s penalty?

Robertson made an attempt to reach the ball yet he didn’t touch it, while Callejon played it smart (cheap? Yes, but also smart) after that flick to get a penalty.

So even with the VAR check, the ref might still call for a penalty. pic.twitter.com/8HIcQEeHDu

— • (@Juventisto) September 18, 2019

Trajneri i Liverpoolit, Jurgen Klopp, nuk ishte aspak i lumtur me vendimin e gjyqtarit dhe VAR-it, duke thënë: “Kur lojtari gjuhet para se të ketë kontakt, atëherë kjo s’mund të jetë penallti. Kjo e ndryshoi krejt ndeshjen”.

Megjithatë, sipas ish-gjyqtarit të Premierligës, Mark Clattenburg, penalltia u akordua me të drejtë dhe Liverpooli nuk ka të drejtë të ankohet.

Clattenburg beson se Brych e mori vendimin e duhur, pasi që Robertsoni pati kontakt me këmbën e Callejonit.

“Më vjen keq tifozë të Liverpoolit, por ajo ishte penallti. Andrew Robertson e bëri një ndërhyrje ndaj Jose Callejonin të Napolit brenda 16-metërshit më këmbën e gabuar dhe ai nuk e preku topin”, tha Clattenburg për DailyMail.

“Sapo u bë ndërhyrja, këmba e Robertsonit ishte në hapësirën e Callejonit dhe e preku këmbën e futbollistit të Napolit. Pas vendimit të gjyqtarit, edhe VAR-i e kontrolloi nëse kishte kontakt dhe e analizuan këtë nga shumë kënde të ndryshe. Ata e morën vendimin e duhur dhe Dries Mertens shënoi”.