Shqipëria është goditur nga tërmete të forta, të cilët fatkeqësisht shënuan viktima dhe shumë të plagosur.

Teksa lëkundjet e territorit nuk ndalen, të gjithë janë duke u solidarizuar dhe ndihmuar Shqipërinë dhe të prekurit nga tërmetet. Së fundmi për një media italiane ka qenë portieri i Shqipërisë, Etrit Berisha ai i cili ka dhënë një intervistë dhe në fjalën e tij është shprehur gjithashtu se vetë futbollistët e kombëtares po mbledhin fonde për të ndihmuar.

“Tërmeti që goditi Shqipërinë është një tragjedi, sepse po vazhdon. Dridhjet filluan muaj më parë, por nuk ishin shumë të rrezikshme. Popullsia është e frikësuar dhe gjëja më e keqe është se lëkundjet vazhdojnë.

Ndihma po mbërrin nga të gjitha anët dhe në mënyrë të veçantë popullis kosovar. Ata kanë hapur shtëpitë e tyre në mënyrë që shumë shqiptarë të shkojnë në Kosovë, si dhe kanë dhënë ndihmë të çdo lloji. Kjo është diçka e bukur në këtë situatë tragjike.Nne lojtarët e ekipit kombëtar po organizojmë gjithashtu një mbledhje fondesh  dhe ndihmat po vijnë nga të gjitha anët”, ka thënë Etrit Berisha.