Legjenda e futbollit brazilian, Pele, vdiq të enjten në moshën 82-vjeçare, që e la sportin në zi.

Në nder të Peles, Brazili është ndriçuar me fotografi e imazhe të tij, për ta përkujtuar e falënderuar për kontributin në futbollin brazilian, raporton BBC, transmeton Gazeta Online Reporteri.net.

Pele, emri i vërtetë i të cilit është Edson Arantes do Nascimento, filloi karrierën e tij si lojtar në Santos në moshën 15 vjeçare derisa një vit më vonë iu bashkua ekipit kombëtar të Brazilit, duke shpërthyer në skenën e futbollit si një 17 vjeçar në Kupën e Botës të vitit 1958

Gjatë karrierës së tij ndërkombëtare, Pele ka fituar tri Kupa të Botës – në vitin 1958, 1962 si dhe atë të vitit 1970. Ai është i vetmi lojtar që e ka arritur këtë sukses deri më tash.

Në karrierën e tij 20-vjeçare (1957-1977), Pele shënoi 1,281 gola në 1,363 paraqitje, duke përfshirë 77 shënime në 92 ndeshje me kombëtaren e Brazilit. /Reporteri.net/.