Shkëndija ka prezantuar sot afrimin më të ri në skuadër, mesfushorin brazilian Juan Felipe Alves Ribeiro, i cili ka nënshkruar një kontratë një vjeçare, me opsion për zgjatjen edhe me një viti tjetër.

Fantazisti 31-vjeçar është njohës mjaft i mirë i kampionatit në Maqedoninë e Veriut, pasi ka luajtur për 3 sezone me skuadrën e Vardarit. Vitin e fundit Juan Felipe ka pasur një eksperiencë te kazakët e Kairat Almatyt dhe më pas te bullgarët e CSKA-së së Sofies.

Braziliani do t’i bashkohet Shkëndijës pas kthimit nga Estonia, ku javën e ardhshme do të luajë ndeshjen e parë eliminatore ndaj Nomme Kalju, ndërsa do të jetë gati për të luajtur në takimin e kthimit një javë më vonë.