FFK nuk i ndau bileta familjes së Vokrrit për ndeshjen me Spanjën

Mbrëmë u zhvillua takimi ndërmjet Kosovë dhe Spanjës, duel ky në kuadër të kualifikimeve për Kampionatin Botëror 2022.

---

Spanja arriti që me mjaft vështirësi të triumfoi ndaj djelmoshave tanë, duke vendosur rezultatin final në 0:2, shkruan Reporteri.net

Në këtë takim ishin të pranishëm edhe tifozët “Dardanë”, ndonëse me kapacitete të limituara të biletave si shkak i masave të reja për Covid-19 të vendosur nga Qeveria.

Por, kryeministri së bashku me disa ministra dhe Presidentja me familje ishin të pranishëm në dy ndeshjet e fundit të Kosovës, ku Dardanët barazuan me Greqinë dhe u mposhtën në Prishtinë nga Spanja.

E në stadiumin që mban emrin e legjendës “Fadil Vokrri” nuk kishte vend për familjen e tij.

Këtë e konfirmon vetë djali i Legjendës së futbollit kosovar, Gramos Vokrri.

Ai në një prononcim për gazetën Online Reporteri.net, Gramos Vokrri tha se ai dhe familja e tij nuk kishin ftesë dhe biletë nga FFK-ja për këtë ndeshje.

Por, që thotë se Kombëtarja ka shumë rëndësi dhe gjërat tjera janë kaluese.

“Po është e vërtetë po sido që të jetë me e rëndësishme është kombëtarja, por nuk kemi pas as ftesë as bileta”, tha Vokrri.