Ardhja e Milanit fitoi vëmendje të madhe mediale, derisa “Fadil Vokrri” sonte është nikoqir i ndeshjes mes Feronikelit dhe skuadrës “Rossonere”.

As ulja e çmimeve të biletave nuk ndikoi që të rritet interesimi për këtë përballje, shkruan Periskopi.

Vështirë se do të grumbullohen para të kënaqshme për organizatorët nga shitja e biletave, derisa u pretendua se Milani erdhi në Kosovë pas një marrëveshjeje të arritur për 600 mijë euro.

Mirëpo, raportet nga Italia, saktësisht nga “Gazzetta dello Sport”, potencuan se në fakt skuadra e Marco Giampolos është paguar 250 mijë euro.

Sidoqoftë, siç shihet në videon e mëposhtme, interesimi për këtë takim ka qenë jashtëzakonisht i ulët dhe nën çdo pritshmëri të mundshme.