Xhudistja Flaka Loxha ka fituar medaljen e argjendtë në Europian Open të xhudos që po mbahet në Sofje të Bullgarisë.

Në finale, Loxha u mposht me ippon nga xhudistja bullgare, Ivelina Ilieva.

Loxha luftoi në kategorinë deri 57 kilogramë.

Trajneri i saj, Driton Kuka ka shkruar në Facebook për fitimin e kësaj medalje, ku tha se xhudistja Loxha ka fituar medaljen e parë në këtë nivel për të rritura.

Postimi i tij:

Flaka Loxha sjell medaljen e radhës për Kosoven!

Në Ciklin e Kupave Botërore kualifikuese për Lojëra Olimpike sot në Sofje u mbajt gara e radhes!

Flaka Loxha 57 kg e argjendtë dhe tashmë ajo ka fituar medaljen e parë në këtë nivel për tê rritura.

Shënoj tri fitore por humbi në finale kundër Bullgares Ilieva.

Në finale si duket e penalizoj fakti që kishte siguruar medalje dhe nuk dha maksimumin e saj.

E veçanta e kësaj gare është performansa e Dardanit!

Ai me 19 vjet sot luftoj si luan dhe shënoj tri fitore e duke humbur në luftë për medalje por potenciali i tij po vjen dita ditës,

Plasmani i tij vendi i 5 shënoj pikët e para Olimpike në karrieren e tij.

Mposhti Malazezin,Armenin dhe Rumunin Sulca perndryshe Kampion Boteror e Evropian per U21.

Dardan Cena garoj në 73 kg

Debora Gjakova pesoj ne xhiron e parë dhe duhet ende punë e përkushtim për këtë nivel.
Neser garon Shpat Zeka në kategorinë 100 kg