Barcelona e ka nisur keq edicionin e ri në La Liga, derisa në tri ndeshjet e para ka një bilanc prej një fitore, një humbje dhe një barazim

Barcelona mund të jetë përforcuar me një lojtar si Griezmann, por blaugranasit janë një skuadër mjaft e dobët pa Messin, shkruan Reprteri.

Dje katalunasit zhgënjyen duke barazuar 2-2 me Osasunën në kuadër të xhiros së tretë të La Ligës.

Leo Messi është i lënduar dhe akoma nuk është paraqitur këtë edicion me fanellën e Barcelonës.

Statistkat thonë se Barça ka fituar vetëm një nga tetë takimet ku Messi nuk ka qenë i përfshirë në skuadër dhe ajo ndodhi javën e kaluar kur mposhtën Betisin 5-2 në Camp Nou.

Këto janë tetë ndeshjet ku Barcelona është paraqitur pa Messin dhe rezultatet lënë shumë për të dëshiruar.

6 nëntor 2018: Inter Milan 1-1 Barcelona

10 janar 2019: Levante 2-1 Barcelona

23 janar 2019: Sevilla 2-0 Barcelona

13 Prill 2019: Huesca 0-0 Barcelona

4 maj 2019: Celta Vigo 2-0 Barcelona

16 gusht 2019: Athletic Bilbao 1-0 Barcelona

25 gusht 2019: Barcelona 5-2 Real Betis

31 gusht 2019: Osasuna 2-2 Barcelona

Ndryshe, xhiron e ardhshme Barça luan me Valencian në shtëpi. /Reporteri/