Ka përfunduar takimi ndërmjet Armenisë dhe Kosovës në kategorinë e vajzave në kuadër të kualifikimeve për Botërorin “Australi & Zelandë e Re 2023”.

“Vashat Dardane” triumfuan ndaj Armenisë me rezultatin final në 0:1, në një ndeshje që ekipi ynë e finalizoi në mënyrën më të mirë të mundshme, shkruan Reporteri.net

Pas kësaj ndeshje për Gazetën Online Reporteri.net ka folur edhe trajnerja e Kosovës, Afërdita Fazlija e cila tha se fitorja është edhe më e mirë në një vend që nuk na ka njohur si shtet.

“Atmosfera është e mirë, normal që në një vend që nuk na ka njohur është edhe më e mirë fitorja. Dardanët duhet me na mbështetë sepse kemi nevojë për mbështetje, jemi kombëtare e re duke u rritë”, tha Fazlija.

Ishte Liridona Syla ajo që ka shënuar në minutën e 87-të me kokë, për t’i dhënë një fitore të madhe Kosovës e cila pas katër ndeshjeve ka katër pikë.