Kosova do ta ketë përballjen më të vështirë deri më tani në kuadër të kualifikimeve për kampionatin evropian të vitit 2020.
“Dardanët” do të jenë mysafirë të kombëtares angleze me fillim në ora 20:45, në stadiumin Southamptonit, i cili kapacitet prej 32505 ulësesh.
Bernard Challendes, trajneri i përfaqësueses sonë, pritet të bëjë dy ndryshime për takimin e pestë në rrugën drejt evropianit.
Në vend të Edon Zhegrovës, pritet të startojë talenti i Hannover 96, Florent Muslija, i cili debutoi në fitoren kundër Republikës Çeke me rezultat 2-1.
Gjithashtu edhe Valon Berisha do të jetë në formacionin startues para Elbasan Rashanit, i cili asistoi te goli i barazimit që e realizoi Vedat Muriqi.
Ndërkohë edhe Gareth Southgate pritet të fillojë me tri ndryshime në formacion, ku nga minuta e parë pritet të luajnë Trent Alexander-Arnold, Ben Chilwell dhe Jadon Sanchon kundër Kosovës.
Ndryshe, Anglia është lider i grupit A me nëntë pikë, përkatësisht ka një më tepër se Kosova e vendit të dytë.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.