Mohamed Salah dështoi tek Chelsea, por tani është njëri nga më të mirët në botë te Liverpooli

Frank Lampard ka thënë se e dinte që Salah është i destinuar për t’u bërë lojtar i madh qysh në kohën kur të dy ishin pjesë e Chelseat, shkruan Reporteri.net

Egjiptiani kaloi te Chelsea në vitin 2014, por nuk arriti që të zinte një vend në formacionin e Mourinhos. Ai bëri vetëm 19 paraqitje me klubin para se të largohej në drejtim të Romës.

“Fatkeqsisht për Salahun nuk funksionoi mirë këtu. Ai shkoi në Itali dhe u rikthye më pas në Premier Ligë ku tani është super yll,” ka thënë Lampard.

Legjenda e Chelseat thotë se arsyeja pse ka dështuar Salah në Stamford Bridge ishte konkurrenca e fortë.

“Në atë kohë, unë mendoj se ne[Chelsea] kishim shumë opsione në fazën ofenzive. Ai nuk mori shumë minuta edhe pse talenti ekzistonte,”.

Ndryshe, këtë fundjavë Chelsea takohet me Liverpoolin në kuadër të Premier Ligës. /Reporteri.net/