Tyson Fury ka thënë se nëse do të ndodhte një përballje në të ardhmen me Anthony Joshuan, ajo do të zhvillohej vetëm në Las Vegas, vend i cili njihet ndryshe edhe si ‘Qyteti i Mëkateve’

Eddie Hearn, promotori i Joshuas ka thënë se një meç ndërmjet Furyt dhe klientit të tij mund të zhvillohet në Arabinë Saudite, pasi ‘Gipsy King’ nuk dëshiron që të luftojë në Britaninë e Madhe, shkruan Reporteri.net

Por, është vetë Fury, ai i cili ka bërë të ditur se një meç i tillë do të ndodhë vetëm në Las Vegas dhe askund tjetër.

“Më dëgjoni mirë, ai meç do të ndodhë vetëm e vetëm në Las Vegas. Do të jetë në MGM Grand Garden Arena në Las Vegas të Shteteve të Bashkuara të Amerikës”, ka thënë Fury.

“Unë dua të përballem me Wilderin e me Joshuan dhe ta shoh Wilderin kundër Joshuas. Nuk ka lojtarë të tjerë. Unë jam ai që erdhi në Amerikë dhe triumfova atje. Joshua erdhi dhe u mposht nga një trashaluq i vogël”.

“Në rimeç, ai ikte nga një trashaluq i vogël sikur të ishte dele gjatë natës. Ai ikte. Mua mu duk e turpshme”

Ndryshe, Fury më 22 shkurt do të përballet përsëri me Wilderin, derisa meçi i parë mes tyre kishte përfunduar me barazim. /Reporteri.net/