Futbollisti i Fiorentinës tregon se si e kuptoi që ishte i infektuar me koronavirus

Sulmuesi serb i Fiorentinës, Dusan Vlahovic, ka sqaruar se si e kuptoi ai që është infektuar me koronavirus dhe pse bashkëlojtari i tij, Federico Chiesa, është më i pajisur sesa kushdo tjetër për t’u përballur me vendosjen në karantinë.


Sulmuesi Dusan Vlahovic është njëri ndër tre futbollistët e Fiorentinës që dolën pozitivë në testin për virusin COVID-19, bashkë me German Pezzellan dhe Patrick Cutronen, si dhe një anëtar të stafit të klubit, transmeton Gazeta Express.

“Isha në shtëpi, në gjumë dhe u zgjova nga ethet dhe isha i mbuluar në djersë”, tha Vlahovic, përderisa u lidh drejtpërdrejt me ndjekësit e tij në Instagram.

“Unë e mata temperaturën dhe ishte rreth 37 gradë, kështu që mora disa ilaçe dhe e njoftova klubin. Ethet m’u përkeqësuan dhe në mbrëmje temperatura m’u rrit në 39 gradë, kështu që shkova në spital. Nuk mendoj se isha keq… sidoqoftë, tani jam mirë dhe po pushoj”.

“E gjitha që mund ta bëj tani është të pushoj dhe gjithçka do të përfundojë pas 14 ditëve. Unë thjesht duhet të rri larg njerëzve tjerë. Nuk i kam parë asnjë ndër bashkëlojtarët e mi, por mendoj se ata janë mirë”.

E gjithë Italia është e vendosur në karantinë për shkak të krizës me koronavirus dhe Vlahovic u tall se mesfushori i Fiorentinës Federico Chiesa është i përgatitur mirë për situata të tilla.

“Këto janë si pushime për Chiesan, ai është gjithmonë në qelinë e tij të vogël! Chiesa çmendet pas videolojërave. Unë s’guxoj të luaj kundër tij në FIFA sepse ai me të vërtetë s’bën asgjë tjetër me kohën e tij të lirë, kështu që pa dyshim që do të më mposhte. Edhe Pol Lirola është i fiksuar me to”, shtoi Vlahovic.