Futbollisti shqiptar vendos një rekord të zi në Bundesliga

Sezoni zhgënjyes i Padërbornit në Bundesligën gjermane po ndikon psikologjikisht dhe te mesfushori i kombëtares së Shqipërisë Klaus Gjasula.


Pas një ndërhyrje jokorrekte në minutën e 61-ë, gjyqtarja kryesore e takimit Bibiana Steinhaus nxori nga xhepi kartonin e verdhë për 30-vjeçarin.

Me këtë karton, Gjasula vendos një rekord të ri në kampionatin gjerman si lojtari që është zverdhur më shumë herë në 27 ndeshjet e para në një sezon të Bundesligës (14 herë).

Ky rekord mbahej prej sezonit 1998-1999 prej Tomash Hajto, 12 kartona pas 27 takimeve të para në Bundesligë.

Me barazimin e sotëm 1-1 kundër Hofenhaimit, Padërborni vazhdon të qëndrojë në vendin e fundit të kampionatit.