Derbi i Superligës në mes Dritës dhe Gjilanit tani më nuk është vetëm një derbi qyteti, e as rajoni, por derbi që kalon kufijtë evropian.

Media franceze “So Foot” me një përshkrim ka treguar se ky derbi është një nga më të çmendurit në botë, duke e shkruar:

“Harrojeni derbin Galatasaray – Fenerbaçe ose Boca Juniors – River Plate, derbi më i flaktë në planet u luajt në Kosovë”.

Dhe në të vërtet kështu ishte, pasi “Intelektualët” dhe “Skifterat” dhuruan spektakël në shkallët e stadiumit.

Në fund ndeshja u fitua nga Drita, ndërsa “Intelektualët” ishin ata që vazhduan festën edhe pas ndeshjes.

Madje gazetari i Rmc Sport, Renaud Marquot kishte udhëtuar nga Franca ( Grenoble ) ,vetëm për ta parë derbin e ‘Anamoravës’, Drita – Gjilani, ai në postimin e tij të fundit në rrjete sociale është shprehur:

“Natën e kaluar isha në Dortmund, por zemra ime është të Drita”.