Dje Shoqata e Gazetarëve Sportivë të Kosovës pati disa aktivitete ku u shpallën më të mirët e vitit 2019 si dhe u mbajt turneu tradicional ‘Burim Hatipi’

Këtë turne e fitoi skuadra e Prishtinës ku në finale mes shumë polemikave mposhti ekipin e gazetarëve sportivë me rezultat 3-2, shkruan Reporteri.net

Në fund të turneut u shpallen edhe më të mirët, ku gazetari i sportit te Reporteri, Lirim Gashi fitoi trofeun ‘Fadil Vokrri’ që jepet për golashënuesin më të mirë të turneut.

Këtë çmim Lirimi e pranoi nga djali i legjendës së futbollit, Gramoz Vokrri.

Ndryshe, në këtë turnir pati edhe ekipe të gazetarëve nga Maqedonia dhe Shqipëria të cilat u nderuan me mirënjohje për pjesëmarrje. /Reporteri.net/