Alan Giresse pritet të shkarkohet sot nga posti i trajnerit të kombëtares së Kosovës.

Siç raporton Klan Kosova, lidhur me këtë çështje kryetari i Federatës së Futbollit të Kosovës, Agim Ademi, do të thërrasë mbledhje urgjente nga ora 12:00.

Shkarkimi i Giresset vjen pasi Kosova ka grumbulluar vetëm tri pikë nga katër ndeshjet e para kualifikuese për Kampionatin Evropian, duke i zbehur së tepërmi gjasat për kualifikim.

Pas tri barazimeve dëshpëruese, “Dardanët” mbrëmë regjistruan edhe humbjen zhgënjyese.

Të përzgjedhurit e Alain Giresse pësuan humbje nga një ekip si Bjellorusia, në kuadër të kualifikimeve për Kampionatin Evropian “Euro 2024”.

Ndeshja e zhvilluar në stadiumin “Szusza Ferenc” përfundoi me rezultatin 2:1.

Pas kësaj humbje, Kosova ka humbur edhe pozitën e katërt në grup dhe tani është e parafundit.