Gjithë kjo forcë policore e ndali Crvena Zvezdën për t’u futur në Kosovë

Policia e Kosovës tregoi sot autoritetin e saj duke kthyer mbrapsht skuadrën serbe Crvena Zvezda dhe duke mos i lejuar të hynin në Kosovë.


Skuadra serbe kishte për qëllim të luante ndeshjen e kupës kundër skuadrës mitrovicase Trepça, në Mitrovicë, por ky tentim i shkoi huq atyre, shkruan Reporteri.net

Policia e Kosovës kishte angazhuar një forcë të madhe policore që mos ta lejonin skuadrën dhe tifozët serbë të shkelnin në tokën kosovare.

Në videon e mëposhtme mund t’i shihni automjetet e policisë duke shkuar tek kufiri në Jarinje:

Ndryshe, Drejtori i Zvezdas, Terzic, kishte pyetur policinë e Kosovës se pse nuk po i lejohej hyrja, por ai mori përgjigje nga një pjesëtar i policisë i cili i tha se ky është një urdhër nga Qeveria e Kosovës.

Edhe tifozët serbë kishin reaguar me këngë provokative, duke kënduar edhe ndër të tjerash: Oj Kosovë, o vendi im.

Ndërsa ky është momenti kur autobusi që bartte futbollistët serbë u kthye mbrapsht nga policia e Kosovës./Reporteri.net/