Conor McGregor ka postuar dy video gjatë sesionit të tij të stërvitjeve në rikthimin në UFC.

Boksieri irlandez nuk ka luftuar që nga humbja që pësoi prej Khabib Nurmagomedovit në muajin tetor të vitit të kaluar.

Kampioni i peshave të lehta e mposhti Dustin Poirierin në fillim të këtij muaji, derisa McGegor ka qenë duke u marrë me gjëra kontroverse.

Mcgregor back in full training mode. This should make people excited. pic.twitter.com/SmghfELDqs

— Daniel (@Danielmmafan) September 21, 2019

Irlandezi i theu telefonin një fansi në Miami, ndërsa disa javë më parë grushtoi në një kafene një të moshuar që i refuzoi uiskin e tij.

McGregor është rikuperuar nga një lëndim që kishte në dorë, gjersa tani po përgatitet që të rikthehet në artet e përziera marciale, shkruan Telegrafi.

Ai e ka si opsion në UFC 245 përballjen me 14 dhjetor në Las Vegas, por me gjasë lufta e tij e parë do të zhvillohet në fillim të vitit 2020.

Kundërshtari i McGregorit në rikthimin e t ij në UFC mund të jetë Justin Gaethje që e nokautoi Donald Cerronen në fundjavën e kaluar.