Mesfushori i Kosovës, Besar Halimi, ka folur pas ndeshjes me Spanjën ku pësuam humbje me rezultat 3-1.

Halimi shënoi një supergol në këtë takim, foli për këtë shënim, por edhe për ndeshjen në përgjithësi.

“Jam shumë i lumtur që kam shënuar atë gol, që i kam dhënë pak shpresë të gjithëve. Por jemi të dëshpëruar sepse ato 5 minuta pas golit kishim më shumë shpresa, por Spanja është nivel shumë më lart dhe ishte e vështirë”.

“Të gjithë tifozët duhet të jenë me neve dhe na japin forcë për në të ardhmen”.

“Shumicën e ndeshjeve i kam luajtur në atë pozicion si sonte dhe unë besoj që gjithmonë e jap maksimumin, kam fituar edhe topa në pjesën e parë, por me Spanjën është e vështirë dhe çdo lojtar i këtij pozicioni do ta kishte pasur të vështirë”, deklaroi Halimi.