Kryeministri i Kosovës, Ramush Haradinaj ka reaguar për fitoren e Majlinda Kelmendit dhe për medaljen e argjendtë të Nora Gjakovës në Lojërat Evropiane në Minsk.

Ai ka thënë se triumfi i xhudisteve tona kosovare e renditë vendin tonë me fuqitë e tjera olimpike.

“Shkëlqimi i mbretëreshës së xhudos Majlinda Kelmendit, që fitoi medaljen e artë, dhe Nora Gjakova të argjendtën, në Lojërat Europiane Minsk 2019 në Bjellorusi, e rënditë vendin tonë me fuqitë olimpike. Ekipi i Driton Kukës është shndërruar në emblemë suksesi për Kosovën, duke lartësuar flamurin dhe shtetin tonë në çdo vend të botës. Krenar për nderin që po i sjellin Kosovës”, ka shkruar Haradinaj në facebook.