Sot në raportin 24 orësh të Policës së Kosovës u raportua se një persona ka kanosur me armë të ftohtë (thikë), një person tjetër në Graçanicë.

Në raport thuhet se i dyshuari mashkull kosovar ka qenë nën ndikimin e alkoolit dhe se ngjarja ka ndodhur rreth orës 17:30 të ditës së djeshme, shkruan Reporteri.net

Por, siç raportohet në media vendor personi i përfshirë në këtë kanosje ishte trajneri, Afrim Toverlani që cak sulmi kishte Kryetarin e Prishtinës, Shpend Ahmetin.

KANOSJE/ARMËMBAJTJE PA LEJE

“Graçanicë, 25.10.2021-17:50. Është arrestuar i dyshuari mashkull kosovar i cili ka qenë nën ndikim të alkoolit dhe gjatë kontrollit tek i dyshuari është gjetur dhe konfiskuar një armë e ftohtë-thikë. Me vendim të prokurorit i dyshuari është dërguar në mbajtje”, thuhet në raportin 24-orësh të Policisë së Kosovës.